AHATE ITSUSIA · Ipuin abesti berria Youtuben eskuragarri.

AHATE ITSUSIA · Ipuin abesti berria Youtuben.
Bideo osoa ikusteko: https://youtu.be/eK9r01BXU5M

· Denok gara desberdinak
Jaiotzen garenetik, denok gara bakarrak eta errepikaezinak. Ezberdintasunek berezi egiten gaituzte. Pertsona bakoitza gai da nahi duen bezalakoa izateko, aske sentitzeko eta bizitzan bere lekua bilatzeko.

· Garen bezalakoak maitatzea.
Geure buruarengan sinestea eta gure indarrak ezagutzea, beste batzuek ikusten ez dituztenean ere.

· Desberdinarekiko errespetua eta begirada positiboa
Besteak errespetatzea eta jarrera positiboz begiratzea ezberdina den horri. Aniztasuna ulertu, onartu eta baloratzea

Bideo kliparen kredituak:
Hitzak eta Musika: Nerea Urbizu
Abeslariak: Astonauta, Satorjator eta Nerea Urbizu
Dantzari eta aktore txikiak: Uharteko Virgen Blanca ikastetxeko ikasleak

Aktoreak:
Satorjator: Ainara Unanua
Astonauta: Jon Zubiaga
Aire: Garazi San Martin
Axeri: Uxue Rodriguez
Oki: Irati Lizarraga
Urbi: Nerea Urbizu

Musikariak:
Bateria: Juanma Urriza “Boli”
Gitarra: Sebas Catena
Sinteak: Nerea Urbizu
Koroak: Enara eta Araika Etxarri

Bideoaren grabaketa, edizioa eta animazioak: Jon Manterola
Ilustrazioak: Mikel Santos Belatz

AHATE ITSUSIA
ARRAUTZETATIK AHATETXOAK
JAIO BERRI DIRA BASERRIAN,
BAINA ERNE, AZKEN ARRAUTZA FALTA DA.
ZEIN OTE DAGO HOR?

EZ DA GURE KOLOREKOA,
EZ GURE NEURRI BEREKOA.
ESANGO GENUKE EZ DELA EDERRA,
GURE ANTZEKOA.

ZE ITSUSIA DEN AHATETXOA:
HANDIEGIA DA, DESBERDINA.
ZE ITSUSIA DEN AHATETXOA:
EZ DUGU BERAREKIN EGON NAHI! 

AHATETXO HANDIA, ALAIA,
JOSTARIA ETA GALAIA.
EZ DU ULERTZEN ZERGATIK
EZIN DUEN BESTEEKIN EGON.

TRISTE DAGO GURE AHATETXOA
TA ALDE EGIN DU SORLEKUTIK.
EZ DUTE NON ONARTZEN:
GALDURIK ETA ETSITURIK

ZE ITSUSIA DEN AHATETXOA:
HANDIEGIA DA, DESBERDINA
ZE ITSUSIA DEN AHATETXOA:
EZ DUGU BERAREKIN EGON NAHI!

BAKARRIK ETA BELDURTUTA
NORAEZEAN DABIL GALDUTA.
AINTZIRA BAZTERREAN DELA
KARRANKA EGIN DIOTE, HARA!

ITXAROPENTSU ETA POZIK,
OHARTU DA BELTXARGA BAT DELA:
KANPOTIK EDERRA BADA ERE,
BARRUTIK EDERRAGOA.

DESBERDINAK, EZBERDINAK,
ABERATSAGO.
KOLOREA, KULTURA, HIZKUNTZA NAHIZ IRUDIA…
ANITZAGO!

TRAKTORE DOTORE eta IPUIN KLASIKOAK
ENE KANTAKen 5 haur ipuin-abesti berri izango ditugu, beti bezala bakoitzak dagokion bideokliparekin. TRAKTORE DOTORE eta IPUIN KLASIKOAK izena jarri diogu.

IPUIN KLASIKOAK 2.0.
Ipuin klasikoen bilduma honetako lau abestirekin, gure bizimoduarekin antzekoagoak diren gaiak lantzen ditugu, hainbat balore azpimarratuz. Esaterako, aniztasuna, konfiantza, ausardia, taldelana, adiskidetasuna, errespetua, trebetasuna, edota adimena.Landu ditugun ipuinak Ahate itsusia, Hansel eta Gretel, Zazpi antxumeak eta Barbantxo dira.

TRAKTORE DOTORE, bost abestietan azkena, eta berria.
Traktore dotore abestiarekin aipatutako lau ipuinetara egingo dugu bidaia, bertako pertsonaiak agurtuz.

Bideoklip berri hauetan Uharteko Virgen Blanca ikastetxekoen parte-hartzea izango dugu.

Tuka-tuka!!

 
Eutsi Ene Kantak. eutsi euskarari !! 💪💪💪💪