HANSEL ETA GRETEL · Taldelana, buru-argitasuna, zoritxarrak gainditzea eta itxurak ez engainatzea.

HANSEL ETA GRETEL · Ipuin abesti berria Youtuben.
Bideo osoa ikusteko: https://youtu.be/OPF0Cb6Tt_o

Ipuin klasiko honetatik bizitzarako garrantzitsuak diren 4 balore hartu ditugu: taldelana, buru-argitasuna, zoritxarrak gainditzea eta itxurak ez engainatzea.

Askotan lehen momentutik pertsona batzuekin konektatzen badugu ere, litekeena da pertsona horrek ez erakustea bere benetako asmoa hasieratik.
Eguneroko arazoei eta suerta daitezkeen (edo dizkiguten) zoritxarreko egoerei aurre egiteko oso garrantzitsuak dira taldelana, azkartasuna eta geure buruarengan sinestea ere.

Bideo kliparen kredituak:
Hitzak eta Musika: Nerea Urbizu
Abeslariak: Astonauta, Satorjator eta Nerea Urbizu
Dantzari eta aktore txikiak: Uharteko Virgen Blanca ikastetxeko ikasleak

Aktoreak:
Satorjator: Ainara Unanua
Astonauta: Jon Zubiaga
Aire: Garazi San Martin
Axeri: Uxue Rodriguez
Oki: Irati Lizarraga
Urbi: Nerea Urbizu

Musikariak:
Bateria: Juanma Urriza “Boli”
Gitarra: Sebas Catena
Sinteak: Nerea Urbizu
Koroak: Enara eta Araika Etxarri

Bideoaren grabaketa, edizioa eta animazioak: Jon Manterola
Ilustrazioak: Mikel Santos Belatz

HANSEL ETA GRETEL

HANSEL ETA GRETEL, GRETEL.

ETXETIK IRTEN ZIREN
LAGUNTZEKO ASMOZ,
EGURRA BEHAR BAITZEN:
“BEREHALA GATOZ”.
EGUZKIA GORDE ZEN,
GAUA HEMEN DATOR…
“HEMEN EGIN BEHARKO DUGU LO…”

OINEZ JARRAITU ZUTEN
BIHARAMUNEAN,
BATERE LO EGIN GABE
BIAK NORAEZEAN,
ETXETXO BAT IKUSI
ZUTEN URRUNEAN…
GERTURATU BEHARKO DUTE.

HURA ZEN TEILATU BAT,
TXOKOLATEZKOA,
HURA ZEN ATARI BAT
GOMINOLAZKOA,
LEIHO TXIKI GUZTIEK
ZUTEN BIZKOTXOA…
GUSTURA JANGO GENUKE PIXKA BAT.

HANSEL ETA GRETEL
TXOKOLATEZALEAK
BATAK BESTEARI LAGUNTZEKO PREST BETI
AZKARRAK, ARGIAK, BIZIAK, BAI!
HANSEL ETA GRETEL, GRETEL.

HANSEL ETA GRETEL, GRETEL.

ANDRE BAT ATERA ZEN
ETXE BARRENETIK,
GELATINA ATERA
ZUEN POLTSIKOTIK:
NAHI AL DUZUE PIXKAT?
HARTU NIRE ESKUTIK…
MILA ESKER, HARTUKO DUGU BA.

BARRURA SARTU ZIREN
ESANDA BEZELA,
ORAINDIK JAKIN GABE
GAIZKILE BAT ZELA.
ANAIA JAN NAHI ZUEN
POZTEKO SABELA…
KAIOLAN GILTZAPETU ZUEN.

HANSEL ETA GRETEL
TXOKOLATEZALEAK
BATAK BESTEARI LAGUNTZEKO PREST BETI
AZKARRAK, ARGIAK, BIZIAK, BAI!
HANSEL ETA GRETEL, GRETEL.

HANSEL ETA GRETEL, GRETEL.

ARREBA BEHARTUTA
ETXEA GARBITZEN,
ANAIA BEHARTUTA
GEHIEGITXO JATEN.
ARREBAREN IDEIA
BIKAINA IZAN ZEN:
HATZAREN ORDEZ MAKILA EMAN.

ANAIA EZ DA HANDITZEN,
GAIZKINA GOSE DA.
LABEA PRESTATU DU,
ARREBA ERE PREST DA;
LABERA BULTZATUTA
GAIZKILEA ERRE DA…
AMESGAIZTOA BUKATU DA.  TXIS-PUN!

HANSEL ETA GRETEL
TXOKOLATEZALEAK
BATAK BESTEARI LAGUNTZEKO PREST BETI
AZKARRAK, ARGIAK, BIZIAK, BAI!
HANSEL ETA GRETEL, GRETEL.

HANSEL ETA GRETEL, GRETEL.

TRAKTORE DOTORE eta IPUIN KLASIKOAK
ENE KANTAKen 5 haur ipuin-abesti berri izango ditugu, beti bezala bakoitzak dagokion bideokliparekin. TRAKTORE DOTORE eta IPUIN KLASIKOAK izena jarri diogu.

IPUIN KLASIKOAK 2.0.
Ipuin klasikoen bilduma honetako lau abestirekin, gure bizimoduarekin antzekoagoak diren gaiak lantzen ditugu, hainbat balore azpimarratuz. Esaterako, aniztasuna, konfiantza, ausardia, taldelana, adiskidetasuna, errespetua, trebetasuna, edota adimena.Landu ditugun ipuinak Ahate itsusia, Hansel eta Gretel, Zazpi antxumeak eta Barbantxo dira.

TRAKTORE DOTORE, bost abestietan azkena, eta berria.
Traktore dotore abestiarekin aipatutako lau ipuinetara egingo dugu bidaia, bertako pertsonaiak agurtuz.

Bideoklip berri hauetan Uharteko Virgen Blanca ikastetxekoen parte-hartzea izango dugu.

Tuka-tuka!!

 
Eutsi Ene Kantak. eutsi euskarari !! 💪💪💪💪