Kaixo!

Ene Kantaken berriak zabaltzeko prest dagoen WATXAPANAUTA taldea osatu nahi dugu.

Guztiontzat onuragarria izan dadin nola egin bidean zehaztu beharko dugu, zalantzak baititugu.

Lehenik eta behin, guretzat sakelekoak eta zehazki watxapa tresna baliogarriak dira informazioa azkar zabaldu ahal izateko. Era berean, modu arduratsuan erabili beharrekoa da, batik bat, umeekin gaudenean.

Beraz, gure komunitate honetako partaideak gustura aritzea nahiko genuke, inongo arazorik gabe eta onurak jasoz.

Hedatu nahiko genukeen informazioa honakoa litzateke:

-Herrialdez-herrialdeko agenda. Zuen lurraldean eman beharreko ikuskizunen berriak.

-Gure Youtubeko kanalera bideo berriak igotzen ditugunekoak.

-Berri garrantzitsuak: diska berri baten argitaratzea, crowfunding berri baten zabaltzea eta horrelakoak.

Asmoa talde bakoitzean gainontzeko WATXAPANAUTekin eta Ene Kantakekin komunikazio eta hartu emana izatea da, baina Ene Kantakekin zerikusirik duten gaien inguruan bakarrik.

Txisteak, uneko bideoak, eta abar ez dira ongietorriak izanen talde hauetan.

Berez, ez dira galderei erantzunak emateko taldeak izanen, baina zalantzak izatekotan argitzen saiatuko gara.

Eguneko ordu gehienetan sakelekoa bulegoan egonen da eta inork ez du soinean eramango azkar erantzuteko.

Kuminatate hau eraginkorra izan dadin edozein iradokizun onartuko dugu. Baina bidali email honetara, mesedez: watxapanautak@enekantak.com. INOLAZ ERE EZ WATXAPANAUTA TALDERA.

Watxap taldean erabilpen okerra ematen bada, hedapen talde soila bilakatzerik bada, baina orduan hartu-emanik ez da izanen.

Hilabetero taldekoei zozketaren batean parte hartzeko eskubidea edota deskontuak eskeintzea pentsatu dugu. Ea martxa ona hartzeko kapazak garen.

Azkenik, bidaliko dizuegun informazioa, beste hedabideetatik argitaratu aurretik igorriko dizuegu inor baino lehenago jakin dezazuen eta zuen guraso taldeetan zabaldu dezazuen.

Animatu zaitez!

Ene-Kantak-whatsapp-komunitatea
Irakurri dut eta onartzen dut Pribatutasun politika.
libreta-Storjetor

WATXAPANAUTA bazara eta DVD+CD berria erreserbatzen baduzu, ikusten duzun libreta oparituko dizugu.

ERRESERBATU